Xəstəliklər zamanı orqanizmimiz fərqli reaksiyalar verir. Hər narahatlığın ayrı bir ağrısı olur. Böyük Britaniya Milli Səhiyyə Sistemi ən dözülməz ağrıları şiddətlidən zəifə doğru sıralayıb. 10 ən şiddətli ağrı verən xəstəlik bunlardır:

1. Endometrioz - Yumurtalıqlar və fallopiya boruları kimi bölgələrdə uterusun selikli qişasına bənzər toxumaların böyüməyə başladığı bir problemdir. Bütün yaş kateqoriyasında qadınlarda rast gəlinə bilər. Uzun müddətli olan endometrioz sağalmaz, lakin müalicə edilən xəstəlikdir. Xəstəlik çox ciddi və şiddətli ağrı ilə müşahidə edilir. Xüsusən, xəstəlik xronikləşdikcə ağrılar daimi xarakter alır.

2. Şinqles – Bu xəstəlik ağrılı səpgilərə səbəb olan bir infeksiyadır. Səpkilərin sağalması dörd həftəyə qədər çəkə bilər, bu müddət ərzində dəridə iltihab və yanma kimi dəhşətli ağrılar müşahidə edilir.

3. Disk protruziyası ( Sürüşmüş disk) - Prolaps və ya yırtıq disk olaraq bilinən sürüşmüş disk onurğadakı fəqərələr arasındakı yumşaq toxuma yastığı itələndikdə yaranır. Bu toxuma onurğa beyni boyunca uzanan sinirləri sıxdıqda ağrı dözülməz ola bilər. Xəstəliyin müalicəsində daha çox cərrahi əməliyyatda üstünlük verilir.

4. Apandisit – Bu problem zamanı qarnın ortasında çox güclü ağrı yaranır. Bir müddət sonra ağrı appendiksin yerləşdiyi aşağı sağ tərəfə yayılır, və şiddətlənir. Bu nahiyəyə təzyiq etmək, öskürmək və ya yerimək ağrını daha da gücləndirə bilər.

5. Donmuş çiyin sindromu - Çiyin oynağı mayesi ifrazında pozğunluq yaranması və iltihabı nəticəsində yaranır. Daha çox hərəkət məhdudiyyəti ilə özünü göstərir. Bu sindrom zamanı çiyin şiddətli və uzun müddət, bəzən illərlə ağrıya bilər. Daha baş, baş ətrafı, göz ağrıları ilə özünü büruzə verir.

6. Sümük qırıqları - Sümük sınıqları da ən şiddətli ağrılardan hesab edilir. Ən çox görülən üç əlaməti var: Ağrı, şişlik və deformasiya. Ən pisi də sümüyün bitişməsi uzun vaxt alır və bu müddət ərzində ağrı davam edir.

7. Kompleks regional ağrı sindromu - Bir insanın davamlı və şiddətli ağrı hiss etdiyi amma səbəbi bilinməyən sindromdur. Əksər hallar zədə nəticəsində baş versə də, yaranan ağrı adi haldan daha şiddətli və uzunmüddətli olur. Təsirə məruz qalan bədən hissəsinin dərisi o qədər həssaslaşır ki, yüngül toxunma, qabarma və ya hətta temperaturun dəyişməsi belə şiddətli ağrıya səbəb ola bilər.

8. Ürək problemləri - Ürəyə qan axınının qəfil tıxandığı ciddi tibbi təcili vəziyyətdir. Ürəyə qan çatışmazlığı ürək əzələsinə ciddi ziyan vura bilər və həyat üçün təhlükə yarada bilər. Simptomlara sinə ağrısı, nəfəs darlığı, zəiflik və narahatlıq hissi daxildir.

9. Artrit - Artrit oynaqlarda yaranan xəstəliklərin ümumi adıdır. Simptomları şiddətli oynaq ağrıları və oynaq ərəkətsizliyi ilə müşahidə edilir

10. Migren - Adətən başın bir tərəfinin döyünməsinə səbəb olan orta və ya şiddətli baş ağrısıdır. Migrendən əziyyt çəkən insanlar işığa və ya səsə qarşı həssas olurlar. Ağrı dayanılmaz və olduqca güclü olur.