“Pulsoksimetr” adlı sadə və kifayət qədər ucuz cihaz nəfəsalmanın çatışmazlığını vaxtında təyin etməyə yardım edir. Bu simptom pnevmoniyanın gizli inkişafından xəbər verə bilər.

Barmağa taxılan pulsoksimetr dəridən qanın rəngini “görür” və buna əsaslanaraq qanın oksigenlə təmin olunmasını (buna elmdə “saturasiya” deyilir) təyin edir.

Saglamolun.az bildirir ki, saturasiyanın normal göstəriciləri 94-100%-dir. Əgər saturasiya 94%-dən aşağıdırsa “təcili yardım” çağırın. Bu o deməkdir ki, sizdə nəfəsalma çatışmazlığı inkişaf edir və sizə oksigen təyin olunmalıdır.

Nəzərə almaq lazımdır ki, qanazlığı, xroniki ağciyər xəstəlikləri zamanı insanda saturasiya normadan aşağı olur, lakin orqanizm bu vəziyyətə uyğunlaşır. Yəni belə insanlar öz “norma”sını bilməlidir və ona uyğun hərəkət etməlidir.

Lakin əgər sizdə saturasiya hər zaman normada olub və birdən birə hər hansı virus xəstəliyi fonunda və ya hətta "səbəbsiz" düşübsə, bu pnevmoniyanın inkişafına işarə edə bilən ciddi simptomdur. Vaxt itirmədən “təcili yardım”a müraciət edin.

Pulsoksimetr həmçinin nəbzi də ölçür.