Muzeylər tarixin müəyyən məqamını özündə yaşadan, ötən əsrlərin müxtəlif hadisələrindən xəbər verən maddi-mənəvi xəzinə sayılır.

Ailehekimiklinikasi.az azedu.az-a istinadla dünyanın ən çox ziyarətçisi olan muzeylərinin siyahısını təqdim edir:

“Ermitaj” dünyanın ən zəngin muzeylərindən biridir. Muzey Rusiyanın Sankt-Peterburq şəhərində yerləşir. Dünyanın ən böyük muzeylərindən olan “Ermitaj”ın 350 zalında 3 milyonadək eksponat var. Muzey 5 binadan ibarətdir. Burada fransız filosofu Volterin 6500 cilddən və 37 əlyazmasından ibarət şəxsi kitabxanası da saxlanılır. Muzeyi hər il 4 220 000 insan ziyarət edir.

Çində yerləşən İmperator saray muzeyi 700.000-dən çox sənət əsərinə ev sahibliyi edir. Muzeyin kolleksiyasında 697 490 əşya var, onların əksəriyyəti əvvəllər imperator Tsyanlunun kolleksiyasında olub. Muzeyi hər il 4 435 000 əhali ziyarət edir.

London milli qalereyası Londonun Trafalqar meydanında yerləşir. 1824-cü ildə əsası qoyulan muzeyin kolleksiyasında 13-cü əsrdən 1900-cu illərə aid 2,300 rəsm əsəri var. Muzeyi hər il 5 229 190 əhali ziyarət edir.

Vaşinqtonun Milli İncəsənət Qalereyası dünyanın ən zəngin muzeylərindən biridir. Muzeyi hər il 5 232 000 əhali ziyarət edir.

"Tate Modern” Böyük Britaniyanın ən məşhur incəsənət muzeyidir. Muzeyin daimi ekspoziyasına Kandinski, Maleviç və Matis kimi rəssamların, Endi Uorhol kimi səntkarların orijinal əsərləri daxildir. Daimi ekspozisiya novatorların, məşhur və hətta artıq klassikə çevrilmiş, dünyanı fəth edən sənətkarların əsərləri nümayiş olunur. Muzeyi hər il 5 656 000 əhali ziyarət edir.

Britaniya muzeyi dünyanın ən böyük muzeylərindən biridir. Muzeyin kitabxanasında 7 milyondan artıq çap edilən kitab var. Britaniya muzeyini hər il 5 906 715 əhali ziyarət edir.

Papa II Yuli tərəfindən əsası qoyulan Vatikan muzeyi hələ də dünyanın ən böyük muzeylərindən biridir. Muzeydə əsasən Renessans dövrünə aid maraqlı əsərlər var. "Dədə Qorqud" dastanının ikinci əl yazması məhz bu muzeydə saxlanılır. Muzeyi hər il 6 427 280 əhali ziyarət edir.

Çin Milli muzeyi ölkənin ən böyük tarix və sənət sarayı kimi tanınır. 2003-cü ildə əsası qoyulan muzeyi hər il 8 062 625 əhali ziyarət edir.

Nyu-Yorkda yerləşən Metropoliten Sənət Muzeyinə 2 milyondan çox əsərə ev sahibliyi edir. Muzeyi hər il 6,692,900 əhali ziyarət edir.

Fransanın Paris şəhərində yerləşən Luvr muzeyində 300 mindən çox əsər var. 14 girişi olan bu muzeyi tamamilə gəzmək üçün 3 gün vaxt lazımdır. Muzeyi hər il 10.2 milyon əhali ziyarət edir.