Avstraliyanın Perz şəhərində dünyaya gələn körpə hər kəsi təəccübləndirib.

ExoBaku.com-un xarici KİV-lərə istinadən məlumatına görə, körpənin çəkisi nə az, nə çox, düz 5,9 kq olub. Həkimləri heyrətə salan körpə 48 saat əvvəl doğulmasına baxmayaraq 6 aylıq körpəni xatırladıb.

9 ay normal hamiləlik keçirən Breanna Saykes şənbə günü gecə saatlarında xəstəxanaya gətirilib. Ağır doğum sancısı çəkən qadını həkimlər əməliyyat etmək məcburiyyətində qalıblar. Əməliyyatdan sonra körpəsini qucağına alan ana kiçik bir şok yaşayıb. Çünki onun oğlu əməlli başlı ağır olub.

Həkimlər körpənin çəkisinin bu qədər ağır olmasının sırf genetik amillərlə bağlı olduğu qənaətindədirlər. Çünki körpə kilosuna baxmayaraq tamamilə sağlamdır. Həkimlər indiyə qədər belə bir hadisə ilə rastlaşmadıqlarını da vurğulayıblar.