Bu gün səhər saatlarında Respublika Narkoloji Mərkəzində baş vermiş yanğın hadisəsi ilə bağlı "Lider TV" və "Space" yayım proqramında dəyişiklik edilib.

"Lider TV"nin ictimaiyyətlə əlaqələr departamentinin rəhbəri Sədan Bünyadov bildirib ki, telekanal əyləncəli və şou xarakterli verilişlərin yayımını təxirə salıb:

"Məsələnin həssaslığını nəzərə alaraq bu gün "Lider TV"nin efirində əyləncə və şou xarakterli heç bir veriliş yayımlanmayacaq. Yalnız sənədli və bədii filmlərə yer ayırmışıq".

"Space"də isə bu barədə apa-ya telekanalın ictimaiyyətlə əlaqələr departamentinin rəhbəri Eldəniz Elgün məlumat verib.

E. Elgün bildirib ki, telekanal gün ərzində tamaşaçılara sənədli və bədii filmlər, müxtəlif süjetlər təqdim edəcək.