Ailehekimiklinikasi.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.
Qoç - mövqelərinizi möhkəmləndirin, stabilliyə can atın. Danışıqlar aparın, informasiya arayın, mütəxəssislərlə məsləhətləşin. İntellektual və fiziki yük az olmayacaq. Zəruri təhlildən sonra ideyalar, hesablamalar, təkliflər və vədlər başqa forma ala bilər.

Günün ikinci yarısında tələsməyin, sənəd imzalamayın. Planlarınızı kimsə ilə bölüşməyin. Səhhətinizdə problem yarana bilər. Mədə ağrıları istisna deyil. Baş ağrısı, ürəkbulanması riski var.

Hadisələrə süni təkan verməyin. Müdaxilələr yolverilməzdir.

Buğa - mübahisəli məsələləri günün ilk yarısında həll etmək olar. Ümumi razılığı əldə etməmiş yeni layihəyə başlamayın. İfrat dərəcədə informasiya əldə etməyə çalışmayın. Eyni zamanda bir neçə genişmiqyaslı layihəyə qatılmağın pis fəsadları olacaq.

Günün ikinci yarısında ifrat yorğunluq yarada biləcək nüanslara qapılmayın. Emosional təmaslar usandırıcı ola bilər.

Ailə üzvlərinin qayğısına qalın.

Əkizlər - günün ilk yarısında aktiv olmağa çalışın. Bilik və bacarıqlarınızdan yararlanın. Geniş proqram çərçivəsində fəaliyyət göstərin. Erudisiyanızı işə salın.

Günün ikinci yarısında yazışmalarda önəmli məqamları diqqətdən qaçırmayın. Başa çatdırılımamış işləri tamamlamaq asan deyil. Axşam saatlarına yaxın işgüzar görüşdə mövqelərinizdən geri çəkilməyin. Soyuqqanlı davranın, amma laqeyd olmayın.

Adi müşahidəçi mövqeyi tutmayın, olayları dəqiq qiymətləndirin.

Xərçəng - ətrafınızdakı insanların energetik təsirinə həddən artıq aludə olmayın. Hisslərinizə hakim olun. İstənilən hadisənin inkişaf məcrasında emosiyalar böyük rol oynamamalıdır. Vədlərə inanmayın, başqasının qurduğu situasiyaya düşməyin.

Günün ikinci yarısında kimisə dilə tutmağa çalışmayın. Faydalı məlumat ənənəvi mənbədən gəlməyə də bilər. Müşahidə qabiliyyətiniz yüksək olmalıdır. Yaxınlarınızı dinləyin, onları maraqlandıran məsələlər, qayğılandıran nüanslardan xəbər tutun. Ailə ən böyük dayağınızdır.

Yaxınlarınızdan gərəkli dəstəyi alacaqsınız.

Şir - yaxın ətrafınızdakı insanlarla münasibətləri gərginləşdirməyin. Günün ilk yarısında hisslərin əsirinə çevrilməyin. Əldən verilmiş imkanlar barəsində düşünmək yerinə irəliləyişə üstünlük verin. Mənasız söhbətlərə qatılmayın.

Günün ikinci yarısında mühüm sənədlərin hazırlanmasını, gərəkli informasiyanın axtarışlarını təxirə salmayın. Dəyər verdiyiniz insanlara ünvanlanmış iradların sayını azaldın. Ultimatum və hədələr yolverilməzdir. İstənilən dialoqda diqqətli tərəfdaş olun.

Axşam saatlarında evdən uzağa yollanmayın.

Qız - sizə səbr lazımdır. Bu gün ümid və planlarla doludur. Amma onların həyata keçməsi üçün bir qədər vaxt lazımdır. Özünüzü işə girişməyə məcbur etmək çətindir. Bu, təcili həllini tələb edən peşə problemləri ortaya çıxdıqda xoşagəlməz nəticələr verə bilər.

Yaxınlarınızla yaxşı yola gedəcəksiniz. Amma bütün sirlərinizi onlarla bölüşməyə hələ tam hazır deyilsiniz. Unutmayın ki, uzaq səfərlərə səhər saatlarında yollanmaq məsləhət deyil. Bunun üçün ən yaxşı vaxt günortadan sonradır.

Başladığınız işi yarımçıq qoymayın.

Tərəzi - günün ilk yarısında ehtiyatlı olun. Mənfi təmayüllərin təsiri güclənir. Soyuqqanlı davranaraq təxribatlar tələsinə düşməyin. Ailədə mübahisə və fikir ayrılığı istisna deyil. Problemin həllində davranışınız xüsusi rol oynayır.
Günün ikinci yarısı daha uğurludur. Çoxdan bəri həyata keçirmək istədiyiniz planlardan birini reallaşdıra biləcəksiniz. Maraqlı görüşlər, xoş sürprizlər və diqqət izharları istisna deyil. Axşam saatları ailə üzvləri ilə daha səmimi və sıx ünsiyyət, ailəvi tədbirlərin təşkili üçün yaxşıdır.

Əqrəb - fikir mübadiləsi aparın, əlavə məlumatlar əldə edin. Unutmayın ki, bu gün ünsiyyət çox zaman və qüvvə tələb edəcək. İşlədiyiniz yerdə rəhbərliklə açıq danışıq üçün münasib zaman deyil. Sərmayə və maliyyə məsələlərində impulsiv qərarlar verməyin.

Günün ikinci yarısında etiraflar ola bilər. İşgüzar mübahisələrdə emosiyalarınıza hakim olun. Eqoist və xudpəsənd insan təsiri bağışlamayın. Nəzarət zəif olarsa, yanlış qərarın fəsadı böyüyə bilər.

Axşam saatlarında gəzintiyə çıxın.

Oxatan - günün ilk yarısı uğurlu zamandır. Yaranan şanslardan tam istifadə edin. İnformasiya və ya kommunikasiyalar sahəsində çalışırsınızsa, rəqiblərin aktivləşəcəklərini bilin. Evdən uzaqda olarkən diqqətli davranın.

Günün ikinci yarısında yarımçıq işləri tamamlayın. Özünüzü sərt çərçivələrlə məhdudlaşdırmayın. Çətinliklərin öhdəsindən gəlmək üçün sınanmış metodlar və vasitələrdən istifadə edin.

Axşam saatlarında normal istirahəti seçin.

Oğlaq - günün ilk yarısında təşəbbüsləri minimuma endirin. Sizə xas olmayan rolda çıxış etməyin. Bundan sonra ağır problemlər yarada biləcək addımlar atmayın. Aktiv olun. Amma qarşı tərəfin xoşuna gəlməyəcək sözləri söyləməzdən əvvəl düşünün. Götür-qoy edin.

Günün ikinci yarısında mövqelərinizi və baxışlarınızı müdafiə edin. Ehtiyatlı olun. İşgüzar təmaslarda emosional qərarlar verməyin. Yerinə yetirə bilməyəcəyiniz işlə bağlı öhdəliklərə boyun olmayın.

Dolça - günün ilk yarısında diskussiyalar olacaq. Müzakirələrin intensivliyini azaldın. Mövqelərinizi qorumaq üçün ekstremal variantlardan istifadə etməyin. Rəqiblərinizin sayı artacaq. Onları üstələmək çətinləşəcək.

Günün ikinci yarısında formal irəliləyişə aludə olmayın. Prinsipial məsələlərdə mövqeyinizdə qalın. Yaranan problemlərin həll yolları var. Real arqumentləri olmadığından ucuz effektlərə üstünlük verən insanlara aldanmayın.

Sayıq olun.

Balıqlar - günün ilk yarısını optimal, əlahiddə zaman adlandırmaq çətindir. Həyat tonusu yüksək deyil. İşləriniz bir qədər az olsaydı, sevinərdiniz. Amma işlər çoxdur və onların hamısı diqqət tələb edir. Çətin ki, axşama qədər istirahətə, gücünü bərpa etməyə vaxtınız ola.

Həmkarlarınız və dostlarınızla ünsiyyətdə problemlər mümkündür. Ətrafdakıların sizdən nə istədiyini heç cür anlaya bilmirsiniz. Günün ikinci yarısında nəsə aydınlaşacaq. Amma bu, sizin üçün kifayət deyil. Hədiyyə və sürprizlər mümkündür.