Qadınlar 8 Mart Beynəlxalq Qadınlar Günü münasibəti ilə hansı hədiyyəni almaq istəyirlər? İctimai rəyin öyrənilməsi üzrə Ümumrusiya Mərkəzi (VSİOM) bu suala cavab tapmaq üçün sorğu keçirib.

Ailehekimiklinikasi.az xəbər verir ki, rəyi soruşulan rus qadınların 38 faizi Beynəlxalq Qadınlar Günü münasibəti ilə hədiyyə olaraq istirahətə bilet almaq istəyərdilər.

Ən arzu edilməyən hədiyyələr, onların sözlərinə görə, suvenirlərdir (1 faiz). Sorğunun 36 faiz iştirakçısı istəyərdi ki, onlara gül hədiyyə etsinlər, 23 faizi isə teatr və ya konsertə bilet gözləyir.

Öz növbəsində, kişilər arasında keçirilən sorğuya görə, onların 68 faizi qadınlara gül hədiyyə etməyi planlaşdırır. Kişilərin 23 faizi ətriyyat və ya kosmetika, 22 faizi isə şirniyyat hədiyyə etmək istəyirlər. Kişilərin yalnız bir faizi isə hədiyyə kimi qadına avtomobili təqdim etmək arzusunu ifadə edib.