"Üzü çox isti su ilə yumaq dərini quruda bilər, ona görə də ilıq su ilə yuyulmalıdır".

Milli.Az yenicag.az.az-a istinadən xəbər verir ki, bunu üz dərisinə qulluq haqqında tövsiyələr verən Dermatologiya Mütəxəssisi Dr. Ada Bozkurt deyib.

O bildirib ki, soyuq hava dərini həssas etdiyi üçün dəri sağlamlığına daha çox diqqət edilməlidir:

"Soyuq havalarda dəri nəmini itirir və səthdə sərtləşmə baş verir. Bu dövrlərdə dəri sağlamlığı üçün xüsusilə sakitləşdirici, nəmləndirici, bərpaedici və gücləndirici vasitələrdən istifadə etmək vacibdir. Həkiminizin məsləhəti ilə, xüsusilə soyuq aylarda, tərkibində hialuron turşusu, keramidlər və peptidlər olan məhsullar dəriyə qulluq proqramına əlavə edilməlidir. Dodaqlar və əllər gün ərzində diqqətdən kənarda qalmamalı, tez-tez nəmləndirilməlidir.
Ətraflı

NƏMLƏMƏYƏ DİQQƏT EDİN!

Dəriyə qulluqda ən vacib addımlardan biri nəmləndirmədir. Hər mövsümdə dərinin nəmləndirilməsi çox əhəmiyyətlidir. Lakin soyuq aylarda dəri qurumağa daha çox meyilli olduğu üçün laqeyd yanaşmaq olmaz. Yağlı dəriyə sahib olanlar su əsaslı nəmləndiricilərdən istifadə edə bilərlər. Çünki soyuq havalarda dəri baryerləri zədələnə bilər. Dəri növündən asılı olmayaraq, nəmləndirici istifadə edilməlidir.

ÜZÜNÜZÜ YUDUQDA BUNA DİQQƏT EDİN!

Dəriyə qulluqda ilk addım dərinin təmizlənməsidir. Dərinin təmizlənməsi prioritet olmalıdır. Ətraf mühit faktorları məsamələri bağlaya, dərinin oksigendən məhrum olmasına və nəticədə cansız, mat bir dəri görünüşünə səbəb ola bilər. Üzü çox isti su ilə yumaq dərini çox quruda bilər. Ona görə də ilıq su ilə yuyulmalıdır. Həkiminizin məsləhəti ilə dəri tipinizə uyğun, dərini qurutmayan və nəm səviyyəsini tənzimləyən təmizləyicilər seçilməlidir".