Yetkin insanlar üçün normal istirahət zamanı ürək döyüntüsü dəqiqədə 60 ilə 100 vuruş arasında dəyişə bilər.

Bununla belə, idmançılar və ya yüksək aktiv həyat tərzi keçirən şəxslər kimi bəzi insanlar üçün 60 vuruş istirahət zamanı normal hesab edilə bilər. Yaş, fitness səviyyəsi, stress və dərman istifadəsi kimi amillər də ürək döyüntüsünə təsir edə bilər.

Ürək çatışmazlığı ürəyin müxtəlif səbəblərdən dolayı öz funksiyasını çatdırmamasıdır. Bəs nədir ürəyin funksiyası? Çox sadə – qanı pompalamaq və qanı orqanlara ötürmək. Əgər ürəyin gücü normaldırsa, yəni 55-60% arasıdırsa, o zaman bütün orqanlar qanı normal şəkildə alır. Lakin yığılma zəifdirsə, ayaqlarda ödemlər, gecələr yatdıqda boğularaq oyanmalar, adi fiziki hərəkətdə təngnəfəslik, tez yorulma, yuxulama, qarında köp, qaz toplanma, bir az yemək yeyən kimi ürək döyünmənin artması müşahidə ediləcəkdir. Bu pasientləri həkimə gətirən ən böyük səbəb ilk olaraq yorğunluqdur. Pasient əvvəl rahatlıqla gördüyü işin öhdəsindən belə gələ bilmir. Məsələn səhər oyananda yatağı toplanması pasientə ağır bir fiziki yük kimin görsənir və bir zaman sonra heç bir işin öhdəsindən gələ bilmir.

Bu niyə belə olur? Gəlin baxaq. Düşünün- böyrəyə, ağciyərə, beyinə, mədə və bağırsaqlara az qan gedir, orqanlar fəaliyyətlərində zəifləyir və yalnız ürək çatışmazlığı deyil, bütün orqanizmin çatışmazlığı yaranır.