Bəzi insanlar hər işi qüsursuz gördüklərini düşünürlər. Onlar qətiyyən tənqidi qəbul etmirlər. Özünə güvənmək yaxşı xüsusiyyət olsa da, bəzən tənqidləri qəbul etmək də insanlara fayda verə bilər. Astrologiyaya görə də özünü hər zaman haqlı görən, tənqidləri qəbul etməyən bürclər var.

Savash.org həmin bürcləri oxucularına təqdim edir:

OĞLAQ

Oğlaq bürcü altında doğulanlar iş və karyera həyatını çox sevir. Ömrü boyu dayanmadan işləyə bilərlər.Oğlaqlar uğur qazanmaq üçün əllərindən gələni edirlər. Bununla belə, Oğlaqlar sabit fikirlidirlər.Səhvlərini təhlil edə bilmirlər. Kimsə onları tənqid edəndə ciddi cəhdlə özlərini müdafiə edirlər. Tənqidə çox dözümsüz olan Oğlaqlar tənqid edəni heç vaxt unutmur və cavab üçün fürsət gözləyirlər.

QIZ

Qız bürcündən olan insanlar mükəmməlliyi sevirlər. Özlərini hamıdan üstün hesab edirlər. Onların fikrincə, intellektlərinə, işgüzarlıqlarına, yaradıcılıq qabiliyyətlərinə şübhə etmək qətiyyən olmaz.
Qızlar da tənqidə dözümsüzdür.Tənqidlə üzləşəndə özlərindən çıxırlar və qarşı tərəfin haqsız olduğunu sübut etmək üçün əllərindən gələni edirlər.

OXATAN

Oxatan bürcü altında doğulanlar öz doğru və yanlışlarını çox yaxşı təhlil edirlər. Başqalarının səhvlərini deməsinə və tənqid etməsinə dözə bilmirlər. Belə ki, Oxatanlar tənqidi özləri üçün təhqir hesab edirlər.
Başqalarının onları alçaltmaq istədiyini düşünürlər. Tənqid edənlərə nifrət edirlər.

ŞİR

Şir bürcü astrologiyada özünə ən çox güvənən bürcdür. Şir bürcü altında doğulanlar hər şeyin ən yaxşısını etdiklərini düşünürlər. Buna görə də tənqidə dözümsüzdürlər.
Yüksək eqoları tənqid eşitməyə heç vaxt hazır deyil. Tənqid eşitdikdə çox sərt reaksiyalar verirlər.