Türkiyənin məşhur içkilərindən sayılan türk qəhvəsi nəinki ölkədə, bütün dünyada məşhurdur.

Elçilikdə, qonaqlıqda, yeməkdən sonra və bəzən də səhər oyanan kimi içilən türk qəhvəsinin insan orqanizminə necə xeyirli olduğu və eyni zamanda bu içkinin başqa sahələrdə də istifadə etməyin mümkünlüyünü bilirsiniz?

Sputnik.az Türkiyə mətbuatına istinadən xəbər verir ki, türk qəhvəsini içində olan qəhvə qalığı ilə birlikdə içmək lazımdır. Bu da antioksidant təsirini artırır. Antioksidantlar ürək və şəkər xəstəlikləri, ürək və qan-damar sistemi xəstəliklərinin qarşısını almaq üçün xeyirlidir. Gündə bir fincan qəhvə infarktın qarşısını ala bilir.

Artıq çəki, piylənmə və stress infarktın riskini artırır. Türk qəhvəsi yağları əridir, öd kisəsində pozuntuların qarşısını alır.

Öd kisəsində olan daşlara xüsusilə qadınlarda daha çox rast gəlinir. Öd kisəsi daşı gündə 3 fincan qəhvə içən qadınlarda bu içkini içməyənlər ilə müqayisədə 25 faiz daha az rast gəlinir.

Tük qəhvəsinin içində kofein olduğu üçün qısa müddətlik təzyiqi qaldırır. Amma gündəlik istifadə edəndə bədən öyrəşir və təzyiq qalxmır. Bir sözlə bu sehrli içkidən istifadə etmək lazımdır.