Koronavirus ailə institutunun yalnız zərərinə işləyir. Çində karantin müddətində boşanmaların sayı artıb.

Bizimyol.info xəbər verir ki, Daçjou şəhərində təxminən 300 cütlük ayrılmaq üçün VVAQ idarəsinə müraciət edib. İdarənin rəisi Lu Şitszyunun fikrincə, sayın artmasında əsas səbəb ər-arvadların birlikdə çox vaxt keçirməyə məcbur qalmasıdır: “Mübahisələrin sayı artıb və onlar boşanmanı ən düzgün yol sayırlar”.

Sian şəhərində də oxşar vəziyyət yaranıb. Bu gün boşanmaq üçün 14 cütlük müraciət edib. Qaydalara görə, bu şəhərin VVAQ idarəsi gün ərzində maksimum 14 işə baxa bilər. Yəni əslində boşanmaq istəyənlərin sayı daha çoxdur.

Fuçjou şəhərində də boşanmaq üçün müraciət edənlərin sayı əvvəlki dövrlərə nisbətən xeyli çoxdur.