Çobanyastığı hər zaman dərman, şəfa deyil. Bununla bağlı mütəxəssislər xəbərdarlıq edib. Onların sözlərinə görə, çobanyastığını qaynatmaq doğru deyil.

May ayında çiçəkləməyə başlayan çobanyastığını insanlar toplayır və müalicə məqsədilə istifadə edirlər. Mayda yığılan çobanyastığı çay kimi istehlak edildikdə sağlamlığa bir çox faydası var. Sinir sistemi və həzm sistemi problemləri və əzələ ağrıları, xüsusilə yuxu problemləri kimi pozğunluqların müalicəsində geniş istifadə olunur.

Türkiyənin Balıkesir Universitetinin professoru Fatih Satıl bununla bağlı maraqlı açıqlama verib.

O bildirib ki, qurudularaq satılan bütün çobanyastığı növləri sağlamlıq üçün faydalı hesab edilmir. Çünki onların hamısı may ayında çıxan çobanyastığı deyillər. Bu səbəbdəndə mayda toplanmayan çobanyastığı fayda əvəzinə zərər verə bilər. Mütləq istifadə etməzdən öncə həmin məhsulun standartlara uyğun olub-olmadığına, etiketlənməsinə və qablaşdırılmasına diqqət etmək lazımdır. Professor Fatih Satıl qeyd edib ki, may papatyasının ortasındakı sarı hissə konus şəklində və içi boş olur. Yarpaqları tül şəklindədir. Bundan başqa, müalicəvi çobanyastığı digər növlərdən özünəməxsus qoxusu ilə seçilir.

Mütəxəssisin sözlərinə görə, çobanyastığı çayının dərman məqsədi ilə istifadə edilməsi üçün qurudulmuş çobanyastığı çiçəkləri qaynar suya tökülməlidir və heç vaxt qaynadılmamalıdır.

Saglamolun.az