Qanda şəkərin yüksək olması çox təhlükəlidir. Şəkər damarların ən qəddar düşmənidir. Qlükoza qan zülallarına “yapışaraq” damarların daxili səthlərini sanki “cızır”.

Bunun nəticəsində damarlar iltihablaşır. İltihablaşımış damarda xolesterin yığılmğa başalayır ki, bunun nəticəsində damar daralır, zəif və kövrək olur, onun partlaması, tam qapanması riski artır. Damarın ürək və ya beyində partlaması və ya tam qapanması infarkt və insulta səbəb olur.

Saglamolun.az Express nəşrinə istinadla bildirir ki, briyaniya alimləri qanı artıq şəkərdən təmizləmək üçün çox sadə dəmləmədən istifadə etməyi tövsiyə edirlər. Bu dəmləmə diabet önü və şəkərli diabet xəstəliyi olan insanlara olduqca faydalıdır.

Söhbət adi gicitkən dəmləməsindən gedir. Gicitkənin tərkibində olan polifenollar maddələri qanda şəkərin səviyyəsini aşağı salır.

Dəmləmə quru otdan hazırlanır. 1 x.q. quru gicitkən 1 stəkan isti suda 30 dəqiqə ərzində dəmlənilir və gün ərzində 3 dəfə stəkanın 1/3 hissəsi olmaqla yeməkdən sonra içilir.

Həmçinin mütəxəssislər təzə gicitkəni yemək və salatlara əlavə etməyi də tövsiyyə edirlər.

Gicitkən şəkər salmaq xüsusiyyətindən əlavə bir çox digər faydalı xüsusiyyətlərə malikdir – immun sistemini gücləndirir, orqanizmdə iltihabları azaldır. Onun tərkibində A, C, K, B qrupu vitaminləri, kalsium, dəmir, fosfor, maqnezium kalium kimi minerallar var.

Nəzərə almaq lazımdır ki, bəzi xəstəliklər zamanı gicitkənin qədulu insana ziyan vura bilər. Əgər sizdə hər hansı xroniki xəstəliklər varsa, dəmləməni qəbul etdikdən öncə müalicə həkiminizlə məsləhətləşin.