Xəbərlər



AZƏRBAYCANDA YAYILMIŞ ALTERNATİV MÜALİCƏ ÜSULLARI
AZƏRBAYCANDA YAYILMIŞ ALTERNATİV MÜALİCƏ ÜSULLARI


-Yaxa qoymaq: bu müalicə metodu bu gün radikulit kimi tanıdığımız bel ağrılarında və sonsuzluq olan qadınlarda yenə elə bel nahiyəsinə xüsusi olaraq hazırlanmış, qətranlı isidilmiş qarışıq kətan parça üzərinə yaxılaraq qoyulardı və 3-4 gün çıxarılmazdı.
-Sidiklə stomatitin müalicəsi-əsasən körpə qız uşağının sidiyi ilə ağız boşluğu qarqara edilərdi.
-Mamaçalıq-doğum evləri olmayan zamanlarda evlərdə doğuş qəbul edən qadınlar edərdi.
-Göbəkçəkmə - Bu müalicə üsulu “göbəkdüşmə” adlanan simptom zamanı, ara həkimləri tərəfindən aparılır. Ehtimal edilir ki, “göbəkdüşmə” mədə sallanmasıdır. Əsas simptomu ağrı və epiqastra nahiyəsinə əli qoyduqda orada aortanın pulsasiyasının hiss edilməsidir. Bu zaman ara həkimi göbəkdən bir az aşağı nahiyəyə hər hansı isidici vasitə qoyur, bir neçə dəqiqə sonra keçi piyi və ya kərə yağı ilə göbəyin altından yuxarıya, epiqastraya tərəf massaj edir, yəni bağlardan asılı orqan olan mədənin yuxarı qalxmasını təmin edən stimulyasiya yaradır. Sonra isə nazik bir kətan parça ilə qasıqla bel arasını bağlayır. Bu proseduru bir neçə dəfə xəstənin şikayətləri keçənə qədər davam etdirir. Həddən artıq çox yeməklə, maye qəbulu ilə mədəni yükləmək, hündür bir yerdən atılmaq kimi kəskin hərəkətlər, ağırlıq qaldırmaq müvəqqəti olaraq məsləhət görülmür.
-Psixoterapiyanı əvəz edən nəsihətlər-bu nəsihətvermə üsulü olan söhbətlər əsasən depressiv, həyata küskün olanlarla nəslin və ya kəndin müdrik, sayılıb-seçilən bir nümayəndəsi tərəfindən icra edilirdi.
-Arı sancma müalicəsi- oynaq ağrılarında istifadə edilir. Amma mütləq həkim ilə konsultasiya edilməlidir! Çünki arı-sancmaya kəskin reaksiya, allergiya verən insanlar az deyil. Arı sancmadan sonra fatal nəticələr, hətta anafilaktik şok yarana bilər.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından



AZƏRBAYCANDA YAYILMIŞ ALTERNATİV MÜALİCƏ ÜSULLARI
Baxış sayı: 37