Zəncirotu tərkibli fitopreparatlar:
-Milona-1, Milona-10, Milona-6, “Витамины при диабете” kimi hazır preparatların tərkibinə daxildir (© «Эвалар», 2003-2019).
-Eyni zamanda Alfit-3, Alfit -25, Alfit aktiv-25, Pantalfit-11 bitki yığımların tərkibində zəncirotu bitkisi vardır.
-Zəncirotu kökü.
Tərkibi və buraxılış forması: 50 qr, 75 qr və 100 qr – lıq karton paketlərdə buraxılır.
Kliniki-farmakoloji qrupu: MBT sekretor və motor funksiyasını stimulyasiya edən.
Farmako-terapevtik qrupu: Bitki mənşəli iştahaçıcı stimulyator.
Farmakoloji təsiri:
Zəncirotu dəmləməsi ödqovucu, iştahaçıcı və mədə şirəsinin sekresiyasını gücləndirən vasitədir.
Zəncirotu kökünün qəbuluna göstəriş:
- Xroniki qeyrikalkulyoz xolesistitin kompleks müalicəsi, ödqovucu yolların hipomotor tipli diskineziyası;
- Ödün tərkibinin daşəmələgəlmə lehinə olaraq tərkibinin dəyişilməsi;
- İştahanın artırılması və həzmin yaxşılaşdırılması;
- Xroniki atrofik və hipoasid qastritlərdə və s.

Dozası:

10 qr və ya 2x/q hazır məhsuldan götürüb emallı qaba əlavə etmək, üzərinə 200 ml, yəni 1 stəkan qaynar-qaynanmış su əlavə edib qapaqla qapamaq və su hamamında 30 dəqiqə qızdırmaq. Sonra isə otaq temperaturunda 10 dəq. qədər soyutmaq və süzmək lazımdır. Alınmış dəmləməni yenidən qaynanmış su ilə 200 ml-ə çatdırmaq və 1/3, ¼ stəkan olmaqla yeməkdən 30 dəq. əvvəl dəmləməni çalxalayaraq qəbul etmək lazımdır.
Allergik reaksiya verməsi mümkündür.
İstifadəsinə əks göstərişlər:
- Preparata qarşı həssaslıq
- Mədə və onikibarmaq bağırsaq xorasının kəskin dövrü
- Kəskin stadiyada olan qastrit
- Kəskin pankreatit
- Öddaşı xəstəliyi
- Mədə şirəsinin hipersekresiyası
- Hamiləlik və laktasiya
- 12 yaşa qədər olan uşaqlar.

Çində və Amerikada zəncirotu bitkisi tərəvəz kimi (məs: salat pisanli) işlədilir, İngiltərədə isə ondan çaxır hazırlanır, bəzi ölkələrdə marinad edilir, kosmetoloji və dərini cavanlaş-dırıcı, çil və ləkələri aparıcı vasitə kimi istifadə edilir.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından