Dünyadakı hər şey enerjidir və enerji hər şeyin əsasındadır. Özünüz üçün yaratmaq istədiyiniz reallığın enerji tezliyinə uyğunlaşsanız, məhz öz kökləndiyiniz tezliyi əldə edəcəksiniz. Bu isə fəlsəfə deyildir, fizikadır.
A.Eynşteyn
Səs bir çox şəfaverici xüsusiyyətlərə malikdir
Bu enerjinin fiziki forması olub, maddənin, materiyanın içərisindən keçərək irəliləyən titrəşdalğalarıdırimli. Səs çıxardıqda titrəyiş yaranır. İnsanlar da daxil bütün materiya, mühit titrəyişli enerjidən ibarətdir. Səs dalğalarının vibrasiyası insanın enerjisinə təsir edir və səslər müxtəlif tezlikdə vibrasiya olunmağa başlayır. Energetik təbabətdə bu sinxronlaşma sağalmanı tezləşdirir.
Fiziki, psixiki, mənəvi və emosional xəstəliklər energetik disbalans nəticəsində yaranır. Səs müalicəsi enerjini balanslaşdırıb istər insanlarda, istər müəssisələrdə, istənilən mühit və orqanizmdə yaranmış narahatlıqları nizamlaya bilir.
İnsan həyatının müxtəlif dönəmlərində insanın özünə xas olan tonlar belə dəyişilə bilər. Təbiətdə hər bir şey titrəyişlərdən ibarətdir və dünya, kainat, insan da daxil olmaqla hərəsinin özünəməxsus musiqisi vardır. Səsin təsiri şüurdan asılı deyil və son zamanlar səsin zəka və ruha təsiri lazımınca dəyərləndirilməmişdir. Bu gün istehsalatın, məişət mexanizmlərinin, transport və digər təbii və texniki vasitələrinin səs-küyləri əsəbilik, aqresivlik, depressiyalar, stresslər, fiziki və emosional əziyyətlər yaratması məlumdur.
Bu mühitdə biz səsin harmonizəedici təsirinin mümkünlüyünü daha yaxşı anlayırıq və həm özümüzlə, həm də ətraf mühitlə harmoniyada olmaq üçün onlardan istifadə etməyə çalışırıq.
Səs massajı - birinci növbədə insanın daxili aləminin dərinliyində gedən bir proses olub, onu özünü dinləməyə təşviq edərək özünə inam hissi yaradır, insanın özünə verdiyi dəyər duyğusunu geriyə qaytarmağa yardım edərək fiziki bərpa prosesini təmin edir.
Sözün təsiri haqqında olan Atalar sözləri:
"Qılınc yarası sağalar, dil yarası sağalmaz".
***
Həqiqətən, dil insanı həm ən şərəfli hünərlərə aparmağa, həm də ən alçaq cinayətlərə sürükləməyə qadirdir.
***
Düz deyiblər ki, “söz var dağa qaldırar, söz də var dağdan endirər”.
***
“Oha” var dağa qaldırar, “oha” var dağdan endirər!
***
Söz vardır kəsdirər başı, Söz vardır — kəsər savaşı. Şah İsmayıl Xətai

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından