Mutasiya olunduqdan sonra hüceyrələrə nüfuz etmə gücünü 10 dəfəyə kimi artırdığı təsbit edilən koronavirus pambıq maskalarda və əlcəklərdə plastiklərə nisbətən 170 qat daha az yaşaya bilir.

Milli.Az "bakupost"-a istinadən bildirir ki, ABŞ-da aparılan araşdırmada virusun 100 faizlik pambıq səhtdə ancaq 1 saat qala bildiyi üzə çıxarılıb.

Floridadakı "Scripps" Araşdırma Mərkəzinin mütəxəssiləri koronavirusla mübarizə üçün istifadə edilən plastik əlcək və maskaların virusun səhtdə yaşama gücünü nəzərə alındıqda təsirli olmadığını düşünürlər. Pambıq parça üzərinə düşən virus isə 1 saatda 99.9 faiz təbii yolla təmizlənir.

Bundan başqa elm adamları virusun fərqli səhtdə yaşama müddətini də müəyyən ediblər.

Onlar belə qənaətə gəliblər ki, virus 100 faiz pambıq səhtlərdə 1 saat, paslanmaz dəmirdə 14 gün, nitril plastik əlcəklərdə 7 gün, kimyəvi maddələrə dayanıqlı əlcəklərdə 4 gün yaşaya bilir.