Kifayət qədər istirahət etmək və bəzən tənbəllik etmək immun sisteminin fəaliyyətinə müsbət təsir göstərə bilər.

Milli.Az xəbər verir ki, bunu rusiyalı alim Valeri Litvinov bildirib.

Onun sözlərinə görə, dərin istirahət zamanı stress hormonu olan kortizolun səviyyəsi azalır. Bu isə immun hüceyrələrinin daha aktiv işləməsinə, virus və bakteriyalara qarşı müdafiənin güclənməsinə şərait yaradır.

Mütəxəssis qeyd edib ki, xroniki stress əksinə, orqanizmi infeksiyalara qarşı daha həssas edir, sağalma prosesini ləngidir. Buna görə də, müntəzəm istirahət edən insanların daha az xəstələndiyi və xəstəlikdən daha tez sağaldığı bildirilir.