Qlütensiz, südsüz və müxtəlif məhdudlaşdırıcı pəhrizlər sınansa da, davamlı qarın köpü problemi bəzən qidalanmadan deyil, başqa tibbi səbəblərdən qaynaqlana bilər.

Medicina.az xarici mediaya istinadla xəbər verir ki. mütəxəssislər bu problemin arxasında aşağıdakı səbəblərin dayana biləcəyini bildirirlər:

1.SIBO (nazik bağırsaqda bakteriyaların həddindən artıq artması)
Bağırsaqda bakteriyaların çoxalması qidaların erkən fermentasiyasına və artıq qaz yaranmasına səbəb ola bilər.

2.Abdomino-diafraqmatik dissinergiya

Qarın divarı və diafraqma əzələlərinin düzgün işləməməsi qarında şişkinlik hissi yarada bilər.

3.Dərmanların təsiri

Bəzi ağrıkəsicilər, antidepressantlar və uzunmüddətli işlədilən bəzi dərmanlar bağırsaq hərəkətlərini zəiflədərək köpə səbəb ola bilər.

4.Hərəkətsizlik

Az fiziki aktivlik bağırsağın təbii hərəkətlərini zəiflədə, qazların xaric olmasını çətinləşdirə bilər.

5.Endometrioz və digər ginekoloji problemlər

Xüsusilə qadınlarda bəzi iltihabi ginekoloji xəstəliklər qarında şişkinlik və ağrı yarada bilər.

Həkimlər bildirirlər ki, köp uzun müddət davam edirsə və ya çəki itkisi, qanazlığı, nəcisdə qan kimi əlamətlərlə müşayiət olunursa, səbəbi araşdırmaq üçün mütləq tibbi müayinəyə müraciət etmək lazımdır.