Qış aylarında papaqsız gəzmək sağlamlıq üçün bir sıra problemlər yarada bilər.

Milli.Az xəbər verir ki, həkim İvan Zarubin bildirib ki, soyuq havada başı açıq gəzmək baş və boyun nahiyəsində damarların yığılmasına səbəb olur. Bu isə xüsusilə həssas insanlarda baş ağrısı, başgicəllənmə və qan təzyiqinin qalxması ilə müşahidə oluna bilər.

Mütəxəssis əlavə edib ki, qulaqların soyuqdan lazımi səviyyədə qorunmaması onların həddindən artıq üşüməsinə və nəticədə qulaq iltihabının yaranmasına şərait yaradır. Onun sözlərinə görə, soyuq hava birbaşa xəstəlik törətməsə də, orqanizmin müdafiə mexanizmini zəiflədir və virusların fəallaşması üçün daha uyğun mühit formalaşdırır.