Bir çox insan dodaqlarda şişkinlik, rəng dəyişikliyi, çatlar və qırışların sadəcə quruluqdan qaynaqlandığını düşünsə də, bu əlamətlər sağlamlıqla bağlı mühüm xəbərdarlıq siqnalı ola bilər.

E-saglam.az “The Sun”a istinadla xəbər verir ki, kosmetik və tibbi dermatologiya mütəxəssisi Dr. Nora Caafa dodaqların vəziyyətinin bəzi xəstəliklərin əlamətləri ola biləcəyini söyləyib.

O bildirib ki, dodaqlardakı dəri bədənin digər hissələrinə nisbətən çox incədir.

"Xüsusilə qış aylarında tez-tez rast gəlinən dodaqlardakı qırışlar vitamin çatışmazlığı, susuzluq və allergiya kimi müəyyən sağlamlıq problemlərinə işarə edə bilər.

Hava şəraiti və susuzluqdan qaynaqlandığını düşündüyünüz bu təsir bir neçə həftə ərzində sağalmazsa, həkimə müraciət etmək tövsiyə olunur.

Çatlamış dodaqlarla yanaşı, ağızın künclərində yaranan çatlar ağrılı və qıcıqlanır və ağrıya səbəb olur. Ağzı açmağı çətinləşdirən bu vəziyyətin ən çox yayılmış səbəbi “angular cheilitis” adlanan xəstəlikdir. Bu xəstəlik ağız kənarlarında iltihab və çatlara səbəb olur. Nəmlik, tüpürcək yığılması və ya müəyyən infeksiyalar bu vəziyyəti yaradan səbəblərdəndir.

Dodaqlardakı sərt qabıqlar günəşin təsirindən qaynaqlana biləcəyi kimi, eyni zamanda diş pastası, ədviyyatlı qidalar və ya hava dəyişikliyi kimi amillərin səbəb olduğu eqzemanın da əlaməti ola bilər.

“Ktinit keilit” kimi tanınan bu vəziyyət sağalmayan yaralar, eyni zamanda toxuma və ya rəng dəyişikliklərini ehtiva edir və xərçəngdən əvvəlki simptomların göstəricisi ola bilər.

Dodaq üstündə və ətrafında yaranan irin dolu qabarcıqlar və ağrılı şişlərə tez-tez rast gəlmək olar. “Uçuq” dediyimiz bu vəziyyət herpes simpleks virusundan qaynaqlanır və əksər vaxt 10 gün ərzində özlüyündən sağalır. Bu müddət uzanarsa, həkimə görünmək lazımdır. Biz uçuq olduğunu düşünsək də, başqalarına da keçə bilən bu əlamətlər cinsi yolla yoluxan sifilis və HPV (insan papillomavirusu) xəstəliyinin də göstəricisi ola bilər".

Dermatoloq əlavə edib ki, dodaqlarda rast gəlinən anormal rəng dəyişikliklərinə də fikir vermək lazımdır:

"Dəri rəngi və genetik təsirlərdən dolayı dodalqaınız tünd rəngli ola bilər və narahat olmağa əsas yoxdur. Amma dodaqların normaldan daha tünd rəngdə olması günəşin şüalarının təsirindən siqaretdən və piqment dəyişikliklərindən qaynaqlanır.

Dodaqların mavi rəngdə olması qanda oksigen səviyyəsinin aşağı olması, ağciyər, ürək xəstəlikləri, çox soyuq havalarda qan dövranının azalması və anemiyadan yarana bilər.

Dodaqlarda şişkinliyin səbəbləri isə allergik reaksiyalar (fıstıq və ya dəniz məhsullarının təsiri), pomada, diş pastası və ya diş məhsulları ola bilər. Uzun müddət davam edərsə həkimə getmək lazımdır".