Bioloq Cenni Qreyvsin sözlərinə görə, kişi cinsini təyin edən Y xromosomunun əcdadlarından miras qalan genlərin 97 faizi itirilib. Bu, davam edərsə, kişi cinsi xromosomu yox ola bilər.

Medicina.az xəbər verir ki, Y xromosomunun gələcəyi elmi ictimaiyyətdə uzun müddətdir müzakirə olunur.

Təkamülçü bioloq Cenni Qreyvsin sözlərinə görə, kişi cinsini təyin edən Y xromosomu əcdad genlərinin əhəmiyyətli bir hissəsini itirib.
Qreyvs təklif edir ki, bu proses eyni sürətlə davam edərsə, xromosom milyonlarla il ərzində funksiyasını itirə bilər.

İnsanlarda cinsiyyət sperma hüceyrəsinin daşıdığı X və ya Y xromosomu ilə müəyyən edilir. Y xromosomunu daşıyan sperma kişi nəsli, X xromosomunu daşıyan sperma isə qadın nəsli əmələ gətirir.