Soğan turşusu həm dadına, həm də sağlamlığa təsirinə görə çox sevilən qidalar arasında yer alır. Xüsusilə ət yeməkləri, kabab və dönərlə birlikdə süfrələrdə tez-tez təqdim olunan bu turşu həm iştahanı artırır, həm də orqanizmə bir sıra faydalar verir.

E-saglam.az xəbər verir ki, soğan turşusu ağ və ya qırmızı soğanın sirkə, duz, şəkər və bəzən ədviyyatlarla qarışdırılması nəticəsində hazırlanır. Bu qarışım soğanın tərkibindəki faydalı maddələrin qorunmasına, bəzilərinin isə daha asan mənimsənilməsinə kömək edir.

Tərkibindəki C vitamini, antioksidantlar və kversetin sayəsində soğan turşusu immun sistemini gücləndirir və bədəndəki iltihabı azaldır. Turşu şəklində istehlak edildikdə, orqanizm üçün təbii probiotik mənbəyinə çevrilir və bu da bağırsaq florasının sağlam qalmasına kömək edir.

Bundan başqa, soğan turşusu həzm sistemini aktivləşdirir, iştahanı artırır və ağır yeməklərin həzmini asanlaşdırır. Qan dövranını yaxşılaşdıraraq ürək-damar sağlamlığına da müsbət təsir göstərir.

Lakin mütəxəssislər bildirirlər ki, soğan turşusu çox miqdarda istehlak edilməməlidir. Çünki tərkibindəki duz və sirkə yüksək olduqda mədə qıcqırması, mədə turşusunun artması və qan təzyiqinin yüksəlməsi kimi problemlərə səbəb ola bilər.

Xüsusilə hipertoniya, mədə və qastrit problemi olan şəxslərə soğan turşusunu az miqdarda yemək tövsiyə olunur.