Yaponların illərdir istifadə etdikləri sadə, lakin təsirli sağlamlıq üsulu eşidənlərin diqqətini çəkib. Məlum olub ki, əlləri bir neçə dəqiqə buzlu suda saxlamaq orqanizmi cavanlaşdırır və bəzi sağlamlıq problemlərini yüngülləşdirir.

Medicina.az xəbər verir ki, yaponların illərdir istifadə etdikləri bu sadə üsulun arxasında həm elmi, həm də psixoloji məntiq dayanır.

Yapon mədəniyyətində soyuq suya məruz qalmaq bədəni oyandırmaq və zehni təravətləndirmək üçün ən praktik üsullardan biri kimi tanınır.
Əslində, bir çox yaponiyalı səhər işə başlamazdan əvvəl əllərini və biləklərini qısa müddətə buzlu suda islatmağı vərdiş halına gətirir.

Soyuq suya toxunduqda bədəninizdəki qan damarları dərhal daralır. Bu, qanı mərkəzi orqanlara yönəldir və qan dövranını artırır.

Əllərdəki sinir ucları stimullaşdırılır ki, bu da beyinə "oyanma" siqnalı verir.

Araşdırmalara görə, qısa müddətli soyuq təmas şişlik və ödemi azaldır. İmmunitet sistemini gücləndirir.

Həm də stressi aradan qaldırır və əhval-ruhiyyəni tarazlaşdırır.

Kiçik bir qabı buzla doldurun, soyuq su əlavə edin və əllərinizi bilək səviyyəsinə qədər batırın. Təxminən 30 saniyədən bir dəqiqəyə qədər saxlayın.