11 avqustdan 15 avqusta qədər Yer üzündə bir çox insan üçün çətin keçəcək. Alimlərin proqnozlarına görə, bu dövrdə geomaqnit aktivliyi artacaq ki, bu da xüsusilə xroniki xəstəlikləri və sinir sistemi pozğunluğu olanlar üçün sağlamlıq problemləri yarada bilər.

Bəs maqnetik fırtınaların pik həddi nə vaxt olacaq, əlamətləri nədir və sağlam qalmaq üçün nə etmək lazımdır?

11-15 Avqust üçün maqnetik fırtına proqnozu

NASA və NOAA-nın məlumatına görə:

11 avqust, Bazar ertəsi: Aktiv dövr başlayır. Qırmızı səviyyəli G1 fırtınası (K-indeksi 5) gözlənilir. Artıq bəzi insanlarda narahatlıq simptomları hiss oluna bilər.

12 avqust, Çərşənbə axşamı: G1 maqnetik fırtınası pik həddə çatacaq (K-indeksi 5).

13 avqust, Çərşənbə: G2 səviyyəli güclü maqnetik fırtına gözlənilir. Bu ən təhlükəli gündür, sağlamlığa xüsusi diqqət yetirilməlidir.

14 avqust, Cümə axşamı: Aktivlik zəifləyəcək, lakin orta səviyyəli maqnetik dalğalanmalar (K-indeksi 4) davam edəcək.

15 avqust, Cümə: Maqnetosfer sakitləşməyə başlayacaq, yalnız zəif lokal fırtınalar (K-indeksi 3) gözlənilir.

Maqnetik fırtına nədir və bizi niyə təsirləndirir?

Maqnetik fırtınalar Günəşdə baş verən güclü alovlanmalar nəticəsində yaranır. Bu alovlanmalar zamanı yüksek enerjili zərrəciklər kosmosa atılır və bir neçə gün ərzində Yerə çataraq maqnetosfer ilə qarşılıqlı əlaqəyə girir. Bu zaman Yer maqnit sahəsində dəyişikliklər yaranır ki, bu da "geomaqnit fırtına" adlanır.

Çox insan bu təsiri hiss etməsə də, hava həssaslığı olanlar, ürək-damar, sinir sistemi və xroniki xəstəliklərdən əziyyət çəkənlər bu dövrdə narahatlıq keçirə bilərlər.

Maqnetik fırtınaların simptomları

Ən çox rast gəlinən əlamətlər bunlardır:

Baş ağrısı və miqren (xüsusilə gicgah və boyun nahiyəsində)
Qan təzyiqində dəyişikliklər
Başgicəllənmə və zəiflik hissi
Yuxu pozğunluğu (yuxusuzluq və ya gün ərzində yuxululuq)
Artan narahatlıq, əsəbilik, əhval dəyişikliyi
Ürək döyüntülərinin artması, nəfəs darlığı
Yorğunluq və ümumi apatiya

Xüsusi diqqət yetirilməli qruplar: Yaşlı insanlar, hamilə qadınlar, uşaqlar və xroniki xəstələr.

Maqnetik fırtınaların təsirini necə azaltmaq olar?

Bol su için - orqanizmin su balansını qorumaq baş ağrılarını azaldır
Gündəlik rejimə riayət edin - vaxtında yatmaq və istirahət vacibdir
Kofein, spirt və nikotindən uzaq durun
Stressdən və əsəbi vəziyyətlərdən qaçın
Vacib işləri sakit günlərə planlaşdırın
Səhərlər açıq havada gəzin, təmiz hava sinir sisteminə müsbət təsir edir
Daimi dərmanlarınızı qəbul etməyi unutmayın

Maqnetik fırtınalar texnologiyanı necə təsir edir?

Güclü fırtınalar zamanı:

Peyklərdə, GPS sistemlərində və mobil rabitədə qısamüddətli nasazlıqlar ola bilər.

Gündəlik həyatda bu təsirlər adətən hiss olunmur, lakin aviatika, enerji sektoru və hərbi sahələrdə bu cür pozuntular problemlərə səbəb ola bilər.