Bir çoxları qaraciyər xərçənginin sirrozdan olduğunu, sirrozun isə xərçəng olduğunu düşünür. Lakin bu 2 xəstəlik həqiqətən fərqlidir.

“Medicina” xəbər verir ki, onkoloq Səbuhi Səmədov sirrozla qaraciyər xərçənginin fərqlərini bölüşüb.

“Əvvəla, qaraciyər xərçəngi sirozdan mahiyyətinə və inkişaf mexanizminə görə fərqlənir.

Siroz qaraciyər hüceyrələrinin stroma (lifli birləşdirici toxuma) ilə əvəz olunduğu bir vəziyyətdir. Artıq öz funksiyalarını yerinə yetirə bilməyən çapıq toxumasının artmasıdır. Nəticədə hüceyrələr ölür və qaraciyər tədricən məhv olur.

Qaraciyər sirrozunun simptomları:

-qarının şişməsi
-nəcisin və sidiyin rənginin dəyişməsi;
-dərinin qaşınması;
-bədənin hər hansı bir hissəsindən artan qanaxma;
-dərinin, selikli qişaların və gözlərin sklerasının sararması;
-yüksək yorğunluq;

Sirroz uzun müddət alkoqoldan sui-istifadə, xroniki hepatit, ürək çatışmazlığı və ya yoluxucu patologiyalar fonunda baş verir. Xəstəlik ömür boyu lazımi müalicə ilə nəzarət altında saxlanıla bilər.

Xərçəng başqa bir prosesə əsaslanır - birləşdirici lifli toxumanın mutasiyası (hüceyrələrdə patoloji dəyişiklik), orqanda bədxassəli bir şişin meydana gəlməsinə səbəb olur. Xərçəng öz gedişində sirroza çox bənzəyir.

Hepatosellüler xərçəngin simptomları:

kəskin kilo itkisi;

qida qəbulundan asılı olmayaraq ürəkbulanma;
zəiflik;
sağ qabırğaaltında şiddətli qarın ağrısı;
temperaturun uzunmüddətli artması
qanaxma: burun, mədə-bağırsaq, hemoroidal;
anemiya

Sirroz ilə yalnız qaraciyər təsirlənir, hepatositlər (qaraciyər hüceyrələri) ölür, digər orqanlara nəsə yayılmır, xərçəngdə metastazlar digər orqanlara yayıla bilər, lakin hepatositlər ölmür, əksinə anormal hüceyrələrə çevrilir.

Sirrozun ilkin mərhələsində qaraciyərin iltihablı hissəsi çıxarıla bilər ki, bu da xəstənin sağlam həyatını davam etdirməsinə imkan verəcək.

Patologiyaların səbəbləri də müxtəlifdir: sirrozda - intoksikasiya, viral hepatit, öd yollarının xəstəlikləri, alkoqolizm, ürək çatışmazlığı; xərçəngdə - bədəndə artıq dəmir, hər hansı bir qrup hepatiti, viral infeksiyalar, bədənin intoksikasiyası, öd kisəsi xərçəngi, sirrozun özü;

2 xəstəliyin inkişafı, müalicəsi də fərqlidir.