Gecə tez-tez oyanmaq və xoruldama ciddi ürək-damar xəstəliklərinin ilkin əlamətləri ola bilər.

Globalinfo.az xəbər verir ki, bu barədə Avstraliya alimləri araşdırma aparıblar.

Tədqiqatın nəticələri Flinders Universitetinin (FU) saytında təqdim olunub.

“Burada 72 mindən çox insan iştirak edib. Mütəxəssislər ilk dəfə evdə uzunmüddətli gecə yuxusunun monitorinqi texnologiyalarına müraciət ediblər. Təhlillər göstərib ki, xoruldama və oyanmaq xüsusilə artıq çəkili kişilərdə tez-tez rast gəlinir. Onlarda yüksək qan təzyiqi olub”, – deyə bildirilib.

Mütəxəssislər qeyd ediblər ki, xroniki yuxu pozğunluqları, xüsusilə həftədə beş və ya daha çox baş verərsə, davamlı yüksək təzyiqə, böyrək və ürəyin fəaliyyətinin pisləşməsinə gətirib çıxara bilər.