Dəmir çatışmazlığı dünyada ən çox rast gəlinən mineral çatışmazlıqlarından biridir. Bədəndəki dəmirin əsas hissəsi hemoqlobində cəmləşir. Bədən özü dəmir istehsal edə bilmədiyi üçün onu qida vasitəsilə qəbul etmək vacibdir.

Ailehekimiklinikasi.az e-saglam.az-a istinadən xəbər verir ki, terapevt və kardioloq İrina Çekmaryovanın sözlərinə görə, bu çatışmazlığın ilk və ən çox rast gəlinən əlaməti yorğunluqdur. Bundan əlavə, solğun dəri və selikli qişalar da bu problemin göstəricisi ola bilər.

Həmçinin saç və dırnaqlardakı dəyişikliklərə diqqət yetirmək lazımdır. Dəmir çatışmazlığı saçın zəifləməsinə, dırnaqların kövrəkləşməsinə və sınmasına səbəb ola bilər.

Bundan başqa, fiziki fəaliyyət zamanı nəfəs darlığı və sürətli ürək döyüntüsü də bu çatışmazlığın əlamətləri sırasındadır.