Oruc tutmaq bir çox baxımdan insan bədəni üçün faydalıdır.

Ölkə.Az “haber7”yə istinadla xəbər verir ki, uzun müddət ac qalmaq həzm sisteminin dincəlməsinə şərait yaradır. Oruc tutmaq balanslaşdırılmış qidalanma tələb etdiyi üçün iftar və sahur arasındakı yeməklər və içkilər çox önəmlidir.

Metabolizm gün ərzində istehlak edilən qidaları həzm etmək üçün mübarizə apardıqca, bədənimizin müdafiə və immun sistemi zəifləyir. Orucluq zamanı həzmə sərf olunan vaxt azaldığı üçün iftar və sahurda balanslı və sağlam qidalanma ilə mədə və bağırsaqlar dincəlir və yenilənir.

1940-cı ildə tibb üzrə Nobel mükafatı alan məşhur alim Dr. Aleksis Karrel "L'hamme Cet İnconnu" adlı əsərində oruc zamanı orqanizmdə yığılan qidaların tükəndiyini və sonradan yeniləri ilə əvəz olunduğunu bildirir. Yəni bu yenilənmə sağlamlıq baxımından çox faydalıdır.
Həmçinin orucun parkinson və altsheymer kimi zehni xəstəliklərə qarşı qoruyucu rol oynadığı bildirilir.

Odur ki, həmin faydaları təqdim edirik:

Mədə və bağırsaqları sakitləşdirir;
Zehni funksiyaları gücləndirir;
Bədəni çətin şərtlərə qarşı gücləndirir;
Dərini canlandırır və parlaqlıq verir;
İnsulin müqavimətinə müsbət təsir göstərir;
İmmunitet sistemini gücləndirir;
Ürək sağlamlığını qoruyur;
Hüceyrələri bərpa edir;
Yaşlanmanın təsirlərini gecikdirir;
Yağların yanmasını sürətləndirir.