Qara çayın sağlamlıq üçün bir çox müsbət təsiri olduğu artıq yaxşı bilinən bir faktdır. Lakin diyetoloqlar bildirirlər ki, bu içkinin faydalarını artırmaq üçün ona əlavə edilən bir neçə təbii maddə çayın təsirini maksimum dərəcəyə çatdıra bilər.

Milli.Az xəbər verir ki, çayın tərkibindəki polifenollar hüceyrələri qoruyub, ürək-damar və sinir sistemini dəstəkləyən güclü antioksidantlardır.

Lakin, ekspertlər hesab edirlər ki, çaya nanə əlavə etmək onun faydalarını daha da artırar. Nanə mentol ilə zəngin olduğu üçün çaya əlavə edildikdə həm antioksidant təsirini gücləndirir, həm də antiseptik və rahatlaşdırıcı xüsusiyyətlər əlavə edir. Nanəli çay baş ağrılarından, əsəb gərginliyindən və soyuqdəymə kimi problemlərdən azad olmağa kömək edir. Eyni zamanda, həzmi yaxşılaşdırır və beyin funksiyalarını stimullaşdırır. Bu içki ilə günün istənilən anını daha faydalı edə bilərsiniz. Bir çox insan səhər nanə çayı ilə enerjini artırır, axşam isə onun sakitləşdirici təsiri ilə rahatlanır.