Qış aylarının gəlməsi ilə soyuqdəymə, qrip kimi xəstəliklər tez-tez görünməyə başlayır. Bu zaman immunitet sistemimizi gücləndirmək və xəstəliklərə qarşı müqaviməti artırmaq böyük əhəmiyyət kəsb edir.

Bəs qışda xəstəliklərdən qorunmaq üçün hansı təbii içkilərdən istifadə edə bilərik? Hansı bitki çayları və içkilər bədənimizi infeksiyalardan qoruya bilər?

Medicina.az təqdim edir:

Qış aylarının əvəzolunmazı: Zəncəfilli limonlu çay

Qış aylarında tez-tez qarşılaşdığımız qrip və soyuqdəyməyə qarşı təbii qalxan rolunu oynayan zəncəfil limonlu çay, immunitet sistemini gücləndirməkdə çox təsirlidir. Zəncəfilin iltihab əleyhinə xüsusiyyətləri sayəsində bədəndəki iltihabı azaldır, limonun C vitamini dəstəyi isə xəstəliklərə qarşı müqaviməti artırır.

Bəs bu çayı necə hazırlayaq?

Təzə zəncəfil və bir neçə dilim limonu isti suda bir neçə dəqiqə dəmləyərək hazırlaya bilərsiniz. İstəyə görə, bir çay qaşığı bal əlavə edərək onu şirinləşdirə və faydalarını artıra bilərsiniz.

İmmunitet sisteminin dostu: İtburnu çayı

Qışda xəstəliklərlə mübarizədə digər vacib içki itburnu çayıdır. Zəngin bir C vitamini qaynağı olmaqla yanaşı, antioksidan xüsusiyyətləri sayəsində bədəni viruslardan qoruyur. Bundan əlavə, immunitet sistemini gücləndirərək orqanizmin xəstəliklərə qarşı müqavimətini artırır.

İtburnu çayının hazırlanması olduqca sadədir;

Qurudulmuş itburnu meyvələrini qaynadılmış suya əlavə edib bir neçə dəqiqə dəmləyib sonra içə bilərsiniz. Gündəlik içdikdə, immunitet sisteminin güclənməsinə böyük töhfə verir.

Şəfa mənbəyi: Cökə çayı

Qış aylarının vazkeçilməz içkilərindən biri olan cökə çayı soyuqdəymə əlamətlərini aradan qaldırmaqda xüsusilə təsirlidir. Cökənin sakitləşdirici xüsusiyyətləri sayəsində boğaz ağrısını sakitləşdirir və öskürəyi azaltmağa kömək edir.

Yaxşı, niyə cökə içməliyik?

Tərkibindəki antioksidantlar sayəsində cökə immunitet sistemini dəstəkləyir və orqanizmi xəstəliklərə qarşı daha davamlı edir. Cökə çayı hazırlamaq üçün qurudulmuş cökə çiçəklərini bir neçə dəqiqə qaynar suda dəmləyərək içə bilərsiniz. İstəyirsinizsə, bir dilim limon və ya bir çay qaşığı bal əlavə edərək dadını zənginləşdirə bilərsiniz.

İsti və qidalandırıcı: darçınlı süd

Soyuq havada sizi isidəcək və eyni zamanda immunitet sistemini dəstəkləyəcək başqa bir içki darçınlı süddür. Südün qidalandırıcı xüsusiyyətləri ilə darçının antioksidan və iltihab əleyhinə xüsusiyyətləri bir araya gəldiyində həm ləzzətli, həm də faydalı bir içki ortaya çıxır. Darçın qan şəkərini tarazlamağa kömək edərkən, süd orqanizmə lazım olan kalsium və proteini təmin edir. Bu şəkildə enerjili və xəstəliklərə qarşı davamlı qalırsınız.

Darçınlı süd hazırlamaq üçün bir stəkan isti südə bir darçın çubuğu və ya bir çay qaşığı toz darçın əlavə edin və bir neçə dəqiqə gözləyin. İstəyə görə, bir az bal ilə şirinləşdirə bilərsiniz.

Bu təbii içkiləri elə indidən hazırlamaqla qış aylarında sağlamlığınızı qoruyun!