Astma tənəffüs yolu xəstəliyidir. Nəfəs darlığı, öskürək və döş qəfəsində sıxılma kimi əlamətlərlə özünü göstərə bilər. Bu problemlərin həlli üçün təbii üsullardan dəstək almaq mümkündür. Astma və təngnəfəsliyə qarşı müsbət təsir edən bir neçə təbii üsul var.

Qeyd edəcəyimiz bitkilər, meyvələr və qidalar nəfəs almağınıza kömək edəcək xüsusiyyətə malikdir, amma yenə də astma xəstəliyindən əziyyət çəkirsinizsə, bunları tətbiq etməzdən öncə həkiminzlə məsləhətləşməlisiniz.

Nəfəs darlığı nədir?

Nəfəs alma zamanı döş qəfəsində sıxılma, tənəffüs çətinliyi, nəfəs darlığı tənəffüs yollarında müxtəlif faktorlara bağlı olaraq daralma, mane və ya qan dövranında tıxanma səbəbiylə meydana gələ bilər. Astma, ürək çatışmazlığı, KOAH, ağciyər infeksiyaları, panik atak, anemiya, tənəffüs əzələlərində zəiflik kimi xəstəliklərlə də ortaya çıxan nəfəs darlığı adətən bu kimi bəzi xəstəliklərin əlaməti olaraq görülür. Məhz buna görə də nəfəs darlığı çəkənlərin vaxt itirmədən həkimə müraciət etmələri, həkimlərinin lazım bildiyi bütün müayinələrdən keçmələri böyük əhəmiyyət kəsb edir.

Nəfəs darlığına nə səbəb olur? Simptomlar hansılardır?

Yuxarıda dediyimiz kimi, nəfəs darlığı bir çox müxtəlif amillərə görə baş verə bilər.

Nəfəs darlığının ümumi bilinən səbəbləri bunlardır:

Astma
KOAH (Xroniki Obstruktiv Ağciyər Xəstəliyi)
Ağciyər infeksiyaları
Anemiya
Koronar arteriya xəstəliyi
Ürək böhranı
Ürək çatışmazlığı
Damarlarda laxtalanma
Emboliya
Ürək qapağı xəstəlikləri kimi digər ürək xəstəlikləri
Ağciyər fibrozu kimi digər ciddi ağciyər xəstəlikləri
Anksiyete və / və ya panik hücumları
Stress
Nəfəs darlığının ümumi əlamətlərini sadalayaq:

nəfəs darlığı hissi
nəfəs almaqda səbəbsiz çətinlik
sürətlə və ya əksinə, çox yavaş nəfəs almaq
sinə sıxlığı
sinə ağrısı
tənəffüs zamanı xırıltı
nəfəs alarkən cızıltılı səs
öskürək
həddindən artıq bəlğəm ifrazı
tərləmə və ya soyuqluq hissi
başgicəllənmə
bayılma və ya huşunu itirmə hissi
Nəfəs darlığına müsbət təsir edən təbii üsullar:

Kəklikotu çayı

Güclü antioksidant xüsusiyyətlərə malik bitki çaylarından biri olan kəklikotu çayı nəfəs darlığına birbaşa çarə olmasa da, iltihabəleyhinə və spazmolitik xüsusiyyətləri sayəsində tənəffüs yollarına təravətləndirici təsir göstərir.

Lavanda çayı
Biz artıq lavandanın bənzərsiz qoxusunu çox yaxından tanıyırıq və sevirik. Bu qoxunun arxasında əslində lavandanın bir çox faydası var. Antibakterial və iltihab əleyhinə xüsusiyyətləri sayəsində lavanda bronxial öskürəyi aradan qaldırır.
Bir çox tənəffüs problemlərinə yaxşı təsir edən lavanda çayı dəmlənərək istehlak edildikdə astma əlamətlərini yüngülləşdirməyə, stress və narahatlığı aradan qaldırmağa, bu səbəblərdən yarana biləcək panik atak problemini aradan qaldırmağa kömək

Adaçayı
Antioksidant və iltihab əleyhinə xüsusiyyətləri sayəsində adaçayı tənəffüs xəstəliklərinə qarşı faydalı ola bilər. Sinüzit, astma və bronxit kimi xəstəliklərin simptomlarını aradan qaldırmağa kömək edir. Adaçayı bitkisini çayını dəmləyərək istehlak edə və ya adaçayı yağı ilə buxar banyosunda istifadə edə bilərsiniz.

Qara zirə yağı
İçə bilsəniz, yarım çay qaşığı qara zirə yağının astma və nəfəs darlığının müalicəsinə dəstək ola biləcəyi deyilir. Bundan əlavə, onu saf və sızma zeytun yağı ilə qarışdıraraq salatlarınıza əlavə edə bilərsiniz.

Keçibuynuzu
Keçibuynuzu və ya keçiboynuzu bəkməzinin istehlakı ağciyərləri gücləndirə, nəfəs almağı asanlaşdıra və uzun müddətdə tənəffüs yollarının sağlamlığını qoruya bilər.

Nanə çayı
Tərkibindəki efir yağları ilə bədənə təravət verən nanə həm təzə, həm də qurudulmuş formada istifadə edə biləcəyiniz faydalı bitkidir. Tənəffüs yollarından həzm sisteminə, başdan ayağa bədənə fayda verə biləcək nanəni çay dəmləyərək istehlak edə bilərsiniz.



Sevinc Hüseynova