Damarlarımızdan səssizcə irəliləyən və nəticədə həyati orqanlarımıza gedən yolu tıxanan yüksək xolesterol müasir dövrün ən çox yayılmış sağlamlıq problemlərindən biridir. Bu problemdən qurtulmağın ən asan yolu istehlak etdiyimiz qidalara diqqət yetirməkdir.

Bəs xolesterol üçün faydalı olan qidalar hansılardır?

Medicina.az xəbər verir ki, düzgün qəbul edilən qidalar yalnız xolesterolu tarazlaşdırmır, həm də immunitet sistemini polad kimi gücləndirir.

Limon və sarımsaq pis xolesterol üçün faydalı olduğu bilinən bu güclü qarışımda aparıcı rol oynayır. Limon, yüksək C vitamini tərkibi sayəsində arteriyaların tıxanmasının qarşısını almağa kömək edir. Allisin tərkibinə malik sarımsaq, arteriyalarda lövhə yığılmasını təmizləyir.

Bu iki inqrediyent birləşdirildikdə, arteriyalara elastiklik verir və qan axınının sürətlənməsinə kömək edir. Hətta deyə bilərik ki, onlar arteriya açıcı kimi çıxış edir.

RESEPT: 1 litr otaq temperaturunda içməli su,
2 təzə limon,
3-4 diş təzə sarımsaq

HAZIRLAMASI:

2 limon suyunu sıxın və 1 litr suya əlavə edin. 3-4 diş sarımsağı yaxşıca əzin. Əzilmiş sarımsağı limon suyuna əlavə edin və yaxşıca qarışdırın. Qarışımı 10-12 saat qaranlıq və sərin yerdə saxlayın

Hazırlanmış qarışımı hər səhər, səhər yeməyindən təxminən 30 dəqiqə əvvəl bir çay stəkanı için. Mütəmadi olaraq qəbul etsəniz, LDL-nin (pis xolesterol) oksidləşməsinin qarşısını aldığını və qan damarlarınızı təmiz saxladığını görəcəksiniz.