Ukrayna Kerç Boğazında Rusiyaya aid neft tankerini girov götürüb.

Publika.az xəbər verir ki, bu barədə Rusiya mediası informasiya yayıb.

Tankerin Ukrayna bayraqlı gəmilərinin hərəkətini əngəllədiyi üçün girov götürüldüyü bildirilib. Tankerdə axtarışlar aparılıb. Ardınca nəzarətdə saxlanılması üçün məhkəməyə müraciət ediləcəyi qeyd olunub.

Qeyd edək ki, 2018-ci ilin noyabr ayında Rusiya qüvvələri Ukraynaya aid gəmiləri Rusiya sularını qanunsuz keçdiyi üçün saxlamış və dənizçiləri həbs etmişdi. Dənizçilər hələ də Rusiyada həbsdədirlər. Onların sərbəst buraxılması üçün prezidentlər arasında müzakirələr aparılır.