Alimlər müəyyən saatlarda yeyilən şokoladın bədən yağını azalda biləcəyini aşkar ediblər.

Medicina.az xəbər verir ki, elm adamları günün müəyyən saatlarında yeyilən şokoladın maddələr mübadiləsinə müsbət təsir etdiyini və yağların yandırılmasını dəstəklədiyini müəyyən ediblər. Xüsusilə səhər saatlarında az miqdarda şokolad yemək həm iştahı tarazlaşdırdığı, həm də çəki nəzarətinə kömək etdiyi ifadə edilir.

Araşdırmada postmenopozal qadınlar üzərində aparılan təcrübələr nəticəsində səhər saatlarında 1,8 qram şokolad qəbul edən iştirakçıların yağ yandırmasının sürətləndiyi müşahidə edilib. Həmçinin məlum olub ki, şokoladın stressi azaldan təsiri sayəsində əhval-ruhiyyə və diqqət üzərində müalicəvi təsir göstərir.

Araşdırmanın maraqlı nəticələrindən biri də axşam saatlarında yeyilən şokoladın qan şəkərinin səviyyəsini tənzimləməsi olub. Yəni günün müxtəlif vaxtlarında nəzarət edilən miqdarda şokolad yemək düşünüldüyü qədər zərərli deyil. Əhəmiyyətli olan vaxt və kəmiyyətdir.

Mütəxəssislər xəbərdarlıq edir ki, pəhrizdə şokolad yemək istəyənlər mütləq tünd və yüksək kakaolu məhsulları seçməlidirlər. Şəkər və qatqıları az olan şokoladlar çəki artımının qarşısını almaq üçün daha uyğun seçimdir.