Xəbərlər



Putinin dediyi xəritədə nələr var? - HƏMİN XƏRİTƏ BAKIDADIR
Putinin dediyi xəritədə nələr var? - HƏMİN XƏRİTƏ BAKIDADIR


Rusiya Prezidenti Vladimir Putin Valday Beynəlxalq Diskussiya Klubunda Ermənistan və Azərbaycan arasında sərhəd məsələsinin sovet dövrünün xəritələri əsasında həll ediləcəyini bildirib. Qeyd edib ki, Rusiya Ordusunun Baş Qərargahında SSRİ respublikaları arasındakı sərhədlərin haradan keçdiyini göstərən xəritələr var.

Maraqlıdır, sözügedən xəritələrə əsasən sərhədlərin delimitasiya və demarkasiya prosesi necə həll ediləcək?

Oxu24.com xəbər verir ki, Baku TV-nin əməkdaşı Azərbaycan Milli Elmlər Akademiyasının Coğrafiya İnstitutunda həmin xəritələr əsasında araşdırma aparıb.

İnstitutun şöbə müdiri Mirnuh İsmayılov sərhədlərin təyin edilməsi ilə bağlı ziddiyyətli məqamlara və Ermənistanın səsləndirdiyi saxta iddialara elə onların öz xərtiəsi ilə cavab verib. Məhz ermənilərin əlindəki xəritəyə nəzər saldıqda görünür ki, mübahisəli ərazilər əslində Azərbaycanın suveren ərazisidir, Ermənistanın hay-küyü əsassızdır.
Ekspert tarixi həqiqətlərə və şübhəli məqamlara 1902-ci ildə hazırlanmış çar Rusiyasına məxsus xəritə ilə də aydınlıq gətirib.
Təbii ki, Azərbaycana qarşı təbliğat aparmaq və demarkasiya-delimitasiya prosesinin başlamasının qarşısını almaq yalnız sülh prosesinə zərər verəcək. Ermənistan-Azərbaycan sərhəd mübahisəsinin uzunmüddətli həlli ərazi bütövlüyünün qarşılıqlı tanınması və bütün beynəlxalq ictimaiyyət tərəfindən bu məsələyə dəstək verilməsindən də asılıdır.
Baxış sayı: 346