Suriya HHQ-nin qırıcıları Rusiya aviasiyası ilə birlikdə Türkiyə ordusunun Suriyadakı konvoyuna hücum ediblər.

KONKRET.az xəbər verir ki, bu barədə məlumatı “Tvitter” səhifəsində jurnalist və hərbi analitik Babak Tağvey bildirib.

Onun sözlərinə görə, hücum İdlib əyalətində Jabal-az-Zavia rayonunda törədilib. Hücum nəticəsində üç türk əsgəri həlak olub, 20 nəfər yaralanıb. Həmçinin, Türkiyə tərəfinin bir neçə ACV-15 və MRAP BTR-in itirdiyi bildirilir.

Fevralın 27-dən əvvəl bildirilirdi ki, yaraqlılar və Türkiyə hərbçiləri İdlibdə Suriya və Rusiya təyyarələrini atəşə tutublar.

Suriya Ordusu yanvar-fevral aylarında baş vermiş hücum nəticəsində İdlib deskalasiya zonasının təxminən yarısını ələ keçirib və Türkiyənin müşahidə məntəqələrini geridə qoyub.

Bu, Ankaranı hiddətləndirib və Türkiyə Prezidenti Rəcəb Tayyib Ərdoğan bildirib ki, əgər fevralın sonuna kimi Suriya ordusu postlarını geri çəkməsə, Türkiyə ordusu hərbi əməliyyata başlayacaq.

Dəməşqin İdlibdəki hərəkətlərini dəstəkləyən Rusiya vəziyyəti danışıqlar yolu ilə həll etməyə çalışır, lakin tərəflər hələlik razılığa gələ bilməyiblər.