Türk Yayınevi Nəşriyyatı tərəfindən "Vətən müharibəsi şəhidləri" adlı kitab 732 səhifə həcmində işıq üzü görüb.
Publika.az xəbər verir ki, kitabda şəhidlərimiz və itkin düşmüş hərbçi qulluqçularımız haqda qısa məlumat yer alıb. Onun dərc olunmasında əsas məqsəd yetişməkdə olan gənc nəslin hərbi-vətənpərvərlik ruhunda böyüməsinə, Vətən müharibəsində canlarından keçmiş şəhidlərin gələcək nəslə tanıdılmasına vəsilə olmaqdır.
Kitabın layihə rəhbəri Süleyman Süleymanzadə, redaktoru Ceyran Abbasova, qrafik-dizayneri və tərtibatçısı isə Günay Əmirovadır.
