Zərifə Əliyeva Əziz qızı 1923-cü ildə anadan olub. 1947-ci ildə Az.Dövlət Tibb institunu bitirib. Sonra Az.elmi tədqiqat oftalmologiya institunda elmi işçi, 1969-cu ildən Ə.Əliyev ad.Az. Dövlət həkimləri təkmilləşmə institunda göz xəstəlikləri kafedrasının dosenti, professor, görmə orqanlarının peşə patalogiyası laboratoriyasının müdiri, oftalmalogiya kafedrasının müdiri vəzifəsində çalışmışdır (1982-1985).Traxoma, kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsi sahəsində elmi işlər aparmışdır. Terapevtik oftalmologiya, İridodiaqnostikanın əsasları kimi kitabların müəllifidir. 12 monoqrafiya dərslik və dərs vəsaitinin, 150-yə yaxın elmi işin, 1 ixtira və 12 yaxın səmərələşdirici təklifin müəllifidir. Ümumittifaq oftalmoloqlar cəmiyyəti rəyasət heyyətinin, sülhü müdafiə komitəsinin, Azərbaycan Oftalmologiya Cəmiyyəti idarə heyətinin, “Вестник офталмологии” jurnalının redaksiya heyətinin üzvü idi. Elmi nailiyyətlərinə görə SSRİ ELMLƏR AKADEMİYASININ M.İ.AVERBAX ad. mükafatına layiq görülmüşdür. 1985-ci ildə aprel ayının 15-də dünyasını dəyişmişdir.

Hazırladı F. Rüstəmova