Xəbərlər



ÜST-dən ölkələrə “omicron”la bağlı tövsiyə
ÜST-dən ölkələrə “omicron”la bağlı tövsiyə


Ümumdünya Səhiyyə Təşkilatı (ÜST) dövlətlərə koronavirusun "omikron" ştammı ilə bağlı "erkən xəbərdarlıq sistemlərinin" işini təmin etməyi və yoluxma sayında kəskin artım olarsa əsas səhiyyə xidmətləri üçün dəsək planı hazırlamağı tövsiyə edib.

Milli.Az Trend-ə istinadən bildirir ki, bu təşkilatın yaydığı bəyanatda öz əksini tapıb. Qeyd olunur ki, ÜST üzv ölkələrə "omikron" ştammına çevik reaksiya məqsədiylə tədbirlər görməyi tövsiyə edir. Təşkilat həmçinin koronavirusun "omikron" və digər variantları haqqında sübuta əsaslanan məlumatların mütəmadi olaraq paylaşılmasına çağırıb.

Ümumiyyətlə, omikron ştammının yaranması ilə bağlı risk təşkilat tərəfindən bir sıra səbəblərə görə çox yüksək qiymətləndirilir. Vurğulanır ki, "omikron"un, digər variantlardan fərqli olaraq, potensial olaraq immunitetə qarşı davamlılığına və daha yoluxucu olduğuna dair ilkin sübutlar var.
Baxış sayı: 489