Suriyanın şərqində İran ordusu və onlara bağlı qruplaşmaların nəzarətindəki düşərgələrə hava zərbələri endirilib. Hücum zamanı azı 18 silahlı həlak olub.

Redaktor.az xəbər verir ki, bu barədə Suriya İnsan Hüquqları Müşahidə təşkilatı məlumat yayıb. Ölənlərin milliyəti barədə hələlik məlumat yoxdur. Məlumata görə, hücumu İsrail qırıcıları təşkil edib.

Qeyd edək ki, son bir neçə ay ərzində İsrail qırıcıları tez-tez İranın Suriyadakı mövqelərini hədəfə alır. Ötən həftə İranın Suriya-İraq sərhədində yerləşən hərbi düşərgələri bombalanmışdı.