Rusiyada hərbi anbarda dəhşətli partlayış baş verib.
"Ölkə.Az"-ın Rusiya mətbuatına istinadən verdiyi xəbərə görə, partlayan hərbi anbarda on minlərlə böyük kalibrli mərmi olub.

Qeyd edilir ki, partlayışların baş verdiyi Krasnoyarsk diyarının Açinski bölgəsindəki hərbi hissədəki silah-sursat anbarında 125 və 152 mm kalibrli 40 mindən çox mərmi var imiş. Mərkəzi anbar dairəsinin mətbuat xidmətindən verilən məlumata görə, hazırda anbarda alovlanma mənbəyinin lokalizasiyası mövcuddur. Yanğına zirehli maşınlar işə cəlb olunub.Hərbçilərin dediyinə görə, anbarda artilleriya silah-sursatı ləvazimatlarının saxlanması yerində yanğın olub.

Vəzifə qrupları yanğının yayılmasının qarşısını almaq üçün tədbirlər görür. Rusiya Fövqəladə Hallar Nazirliyinin təsdiqlədiyi kimi yanan anbardan 20 kilometr radiusda əhali təcili olaraq təxliyə olunur. Evakuasiya üçün avtobuslar ayrılıb. Eyni zamanda, Açinski rəhbərliyi partlayışlarla əlaqədar vətəndaşlar üçün heç bir təhlükənin olmadığını bildirib. İki zərərçəkən haqqında məlumat alınıb.
Açinski bölgəsindəki hərbi hissənin ərazisindəki yanğın avqustun 5-də günortadan sonra məlum olub. Bir partlayışın olduğu bildirilib, ancaq şahidlərin və xəbər agentliklərindən alınan məlumata görə, digər partlayışlar eşidilib.