ABŞ Müdafiə Nazirliyi (Pentaqon) F-35 proqramı çərçivəsində türk pilotlara verilən təlimləri dayandırıb.

Aİlehekimiklinikasi.az publika.az-a istinadən xəbər verir ki, bu barədə Pentaqonun mətbuat katibi Mayk Endryus danışıb.

Mətbuat katibi “Röyters” agentliyinə müsahibəsində Arizonadakı “Luke” hərbi hava bazasında təlim keçən pilotların uçuşa getmədiyini deyib: “Nazirlik “Luke” hava bazasındakı türk pilotların artıq uçmadığından xəbərdardır. Türkiyənin siyasətində dəyişiklik olmasa, F-35 proqramındakı payını azaltmaq üçün türk müttəfiqlərimizlə çalışmağa davam edəcəyik”.

Adının açıqlanmasını istəməyən digər nümayəndə isə agentliyə açıqlamasında türk pilotların uzaqlaşdırılmasının ali komandanlıq səviyyəsində qərarlaşdırdığını deyib. Həmçinin qeyd edib ki, Floridadakı “Eqlin” hərbi hava bazasındakı türk texniki heyət təlimlərinə davam edir.

Qeyd edək ki, bir neçə gün öncə ABŞ Müdafiə naziri səlahiyyətlərini icra edən Patrik Şanaxan türkiyəli həmkarı Hulusi Akara məktub yollamışdı. Məktubda qeyd olunmuşdu ki, 31 iyula qədər Türkiyə Rusiyadan S-400 hava hücumundan müdafiə kompleksi almaqdan imtina etməsə, F-35 pilotlarının təlimləri dayandırılacaq və Türkiyə proqramdan çıxarılacaq.