Ermənistanın “Jamanak” qəzeti növbəti qalmaqallı məqalə yazıb.
“Ölkə.Az” xəbər verir ki, məqaləyə əsasən, qondarma Qarabağ respublikasının generalları və Ermənistanın oliqarxları Nikol Paşinyanı baş nazir postundan endirmək üçün plan hazırlayırlar. Qeyd edilir ki, Ermənistanın məşhur oliqarxlarından birinin villasında bu məqsədlə görüş keçirilib. Bu görüşü isə separatçı rejimin keçmiş qondarma müdafiə nazirinin müavini Samvel Karapetyan təşkil edib.

Görüşdə Respublikaçılar partiyasının keçmiş deputatı, biznesmen Samvel Aleksanyan da iştirak edib. “Jamanak”ın məlumatına görə, görüş iştirakçıları Paşinyanı devirmək üçün hər şeyi etməyə and içiblər.
Maraqlıdır ki, məqalə dərc olunan gün Ermənistanın təhlükəsizlik şurasının katibi Armen Qriqoryan bəyan edib ki, hökumətə qarşı çevriliş planı təhlükəsi var və bu barədə açıq danışmaq olmaz.

Qeyd edək ki, 20 may tarixində Ermənistanın baş naziri Nikol Paşinyan bəyan etdi ki, onun siyasi rəqibləri yalan təbliğat aparmaqla Ermənistanla seperatçı rejimin münasibətini korlamaq istəyirlər. Amma Paşinyan bununla belə ad çəkməyib.