NATO və ABŞ hərbi dairələrində Türkiyəni hədəf alan hərbi ssenarilərin sayı artır. Amerika Dənizçilik İnstitutunun nəşr etdiyi "Donanma Taktikaları və Dəniz Hərəkatı" kitabında Türkiyə və ABŞ Egey dənizində döyüşürkən, 6-ci Donanma Türk donanmasına hücum edir. Müqəddiməni ABŞ Dəniz Qüvvələri Komandanı Con M. Richardsonın yazdığı kitabda, "Egey dənizi müharibəsi" deyə bir hissə var. Orada yazılana görə, Türk-Yunan gərginliyi geri dönülməz mərhələyə gəlir. Bölgədə olan ABŞ donanması Yunanıstanı dəstəkləyən mövqe tutur və iki donanma qarşı-qarşıya gəlir.

"DOST GÖRÜNÜŞLÜ GÜCLÜ BİR DÜŞMƏN”

Kitabın "Egey dənizində müharibə” başlıqlı 15-ci hissəsində, ssenariləşdirilən hadisələrdə Türkiyənin gerçək coğrafi xəritələri istifadə edilib. Türk və Yunan rəsmilərin ortaya qoyacağı düşüncə və davranışlarını təxmin edərək hekayə tərtib edilib. Kitabda Türkiyə, "uzun müddətdir dostluq içində olan güclü bir düşmən kimi təsvir edilib. Sahil xətti məhdudlaşdırılmış bir hərəkat sahəsində üzləşilən çətinliklərdən sonra uyğun müharibə ssenarisində, "əzəli iki düşmən olaraq tərif edilən Türkiyə ilə Yunanıstanın Egey dənizindəki mümkün müharibənin ABŞ tərəfindən qarşısının alınması səyləri işlənib. Amerikan donanmasının bölgədə yerləşən 6-ci Donanmasının Türk Dəniz Qüvvələri ilə qarşı-qarşıya gəldiyi ssenari əsasında, Kipr səbəbi ilə münasibətləri əməlli-başlı gərilmiş vəziyyətdəki Ankara-Afina arasında isti bir qarşıdurma çıxması, sonra da ABŞ-ın Yunanıstanı dəstəkləyən bir mövqe ortaya qoyması deyilib. Kitaba görə, Türkiyə İlə Yunanıstan arasındakı mümkün müharibədə ABŞ-ın 6-ci Donanması Türk donanmasına qarşı Yunan cərgələrində olacaq.
Müxalifət.az