Müxalifətdə olan “Çiçəklənən Ermənistan“ın nümayəndəsi Suren Surenyants bildirib ki, partiya seçki baryerini aşaraq parlamentdə təmsil olunacaq.

Globalinfo.az xəbər verir ki, onun sözlərinə görə, nəticələri ləğv edilən seçki məntəqələrində təkrar səsvermə keçirilməsə belə, partiya parlamentə düşmək üçün kifayət qədər səs toplayıb.

Surenyantsın açıqlamasına görə, yeni formalaşacaq 105 yerlik parlamentdə hakim “Mülkü Müqavilə” 61, “Güclü Ermənistan İttifaqı” 28, “Ermənistan Alyansı” 11, “Çiçəklənən Ermənistan” partiyası isə 5 mandat əldə edə bilər.

Partiya daha əvvəl bəyan edib ki, bəzi seçki məntəqələrində nəticələrin ləğv edilməsi onların parlamentə daxil olmasının qarşısını almağa yönəlib. Bu səbəbdən qərardan apellyasiya şikayəti veriləcəyi açıqlanıb. Həmçinin tanınmış hüquqşünas Aram Orbelyan seçki nəticələrinin etibarsız sayılması qərarının hüquqi əsasları ilə bağlı ciddi sualların olduğunu bildirib.