Avropa Birliyində Çinin rus əsgərlərinə Ukraynaya qarşı müharibəyə qatılmaq üçün təlimlər keçməsinə dair dəlillər var. Pekin bunu rəsmi olaraq təkzib etsə də, bir neçə nüfuzlu beynəlxalq agentlik Çin silahlı qüvvələrinin ötən il Çində ən azı 200 rus hərbçisinə gizli şəkildə təlim keçdiyini bildirib.

Publika.az xəbər verir ki, bu barədə Ukrayna mediası məlumat yayıb. Adının açıqlanmasını istəməyən Avropa Birliyinin yüksək vəzifəli məmurlarından biri "Suspilne" nəşrinə bildirib ki, ittifaqda Rusiya ilə Çin arasında belə bir "əməkdaşlığa" dair kifayət qədər dəlilləri var.

"Aidiyyəti üzrə fəaliyyət göstərən xidmətlərimiz bu cür təlimlərin Çinin bir neçə yerində keçirildiyini təsdiqləyib. Söhbət yüzlərlə insandan gedir. Lakin bu, çinlilərin indiyə qədər bizə təqdim etdiyi məlumatlar, dedikləri fikirlər ilə ziddiyyət təşkil edir. Bu, konkret olaraq əsgərin döyüşə hazırlanmasıdır. Hansılar ki, onların bəziləri sonradan müharibəyə gedib və ya birbaşa cəbhə xəttində xidmətə başlayıb", - deyə nəşr Avropadakı mənbəsinə istinadən yazıb.