“Avropa ölkələri Rusiya ilə mümkün hərbi qarşıdurmaya tam hazır deyil”.

Globalinfo.az xəbər verir ki, bunu Danimarkanın Baş naziri Mette Frederiksen deyib.

O bildirib ki, son illərlə müqayisədə vəziyyət yaxşılaşsa da, Avropa hələ də ciddi təhlükələrə qarşı kifayət qədər hazırlıqlı deyil:

“Vəziyyət bir neçə il əvvəlkindən daha yaxşıdır. Biz nəyin risk altında olduğunu daha yaxşı anlayırıq. Amma hazırıqmı? Mən belə düşünmürəm”.

Danimarka hökumət başçısı Rusiyanın Avropaya qarşı yeni hücuma hazırlaşdığına inandığını da bildirib.

Onun sözlərinə görə, Avropa hələ də özünü sülh dövründə yaşayırmış kimi aparır, halbuki artıq belə bir dövrün geridə qaldığını qəbul etmək lazımdır.

“Dinc dövr artıq seçim deyil”, – deyə Frederiksen vurğulayıb.

Baş nazir qeyd edib ki, Avropa İttifaqı (Aİ) ölkələri (27 üzvü var) müdafiəyə daha çox vəsait ayırsa da, silahlanma prosesi kifayət qədər sürətli getmir:

“Avropa müdafiə sahəsində çox az iş görüb. Vaşinqtonun hər zaman qitəni qoruyacağına inanmaq səhv olub. Brüssel 2030-cu ilə qədər hərbi potensialını ciddi şəkildə artırmalıdır. Bu, Avropa kimliyi üçün əsas məsələdir.