Finlandiyanın NATO-ya qoşulması ölkədə iqtisadi və sosial çətinlikləri artırıb.

Publika.az xəbər verir ki, bu barədə “Azadlıq Alyansı” partiyasının üzvü Armando Memma “X” hesabında bildirib.

Onun sözlərinə görə, Rusiya Finlandiya ilə münasibətləri gərginləşdirməyə çalışmayıb və əksinə dialoqa açıq olub. Lakin buna baxmayaraq, Finlandiyada iqtisadi böhran, işsizlik və sərhəd bölgələrində sabitliyin zəifləməsi müşahidə olunur.

Memma qeyd edib ki, Rusiya ilə sərhədin bağlanmasından sonra Finlandiyanın şərqində iqtisadi vəziyyət pisləşib, ölkə üzrə işsizlik 10 faizə, sərhəd bölgələrində isə 20 faizə qədər yüksəlib.

Siyasətçi həmçinin Finlandiyanın hərbi fəaliyyətini artırmasını və ritorikanı sərtləşdirməsini tənqid edərək, NATO-ya üzvlüyün nəticələrinin göz qabağında olduğunu bildirib.